壽司郎定杉玉?

講你都未必信，筆者是從來沒有去過壽司郎系的餐廳。 第一次就吃其居酒屋杉玉，算是越級挑戰嗎? 杉玉的人氣好像沒壽司郎般旺盛，午市時間可以直行直入，甚至揀位，至少我未見過壽司郎有呢種場面。 叫左八貫和十貫的壽司套餐，分別配上拉麵或者天婦羅。 壽司的種類大同小異，三文魚吞拿魚甜蝦及玉子等是鐵膽，雖然賣相唔係好靚仔，但各款刺身水準總算正常，飯糰唔怕死實實，或者一夾即散，以幾十蚊既套餐價錢，我覺得交足功課。 鲷魚湯拉麵，湯底偏咸，但起碼會配幾隻蜆，沒有欺場。 天婦羅係即叫即炸，入口仍是熱燙，自然鬆脆，個人特別喜歡魷魚天婦羅，完全唔會韌，其餘的菜蔬類如茄子等都合心。 當然不會是Omakase的水準，但性價比我認為無得輸，或者我要去排下壽司郎，再比較一下。 #日式料理 (此文章由U Blog 同步發佈至社群)